ریاض(جریدہ پاکستان آن لائن) امریکہ نےسعودی عرب اور متحدہ عرب امارات کو میزائل شکن جدید دفاعی نظام فروخت کرنے کی منظوری دے دی۔
العربیہ کی رپورٹ کے مطابق امریکی محکمہ خارجہ نے سعودی عرب کو 3.05 ارب ڈالرمالیت کے 300 پیٹریاٹ میزائل اور متحدہ عرب امارات کو 2.25 ارب ڈالرمالیت کے ایک اور معاہدے کے تحت 96 ٹرمینل ہائی آلٹی ٹیوڈ ایریا ڈیفنس (تھاڈ) میزائل گولے فراہم کرنے کی منظوری دی ہے۔
پینٹاگون نے مزید کہا کہ یہ فروخت ایک اتحادی ملک کی سلامتی کو یقینی بنانے میں مدد دے گی اورامریکی خارجہ پالیسی کے اہداف اورقومی سلامتی کے مقاصد حاصل کرنے میں مدد گار ثابت ہوگی کیونکہ یہ ملک خطۂ خلیج میں سیاسی اور معاشی استحکام و ترقی کی ایک طاقت ہے۔ان کا یہ بھی کہنا تھا کہ اس فروخت سے سعودی عرب کی حالیہ اورمستقبل کے خطرات سے نمٹنے کی صلاحیت میں اضافہ ہو گا ۔
Read More About Gold Rates downs
